Kalluumeysato Iiraaniyiin oo ka baxsatay dabley ku haysatay Xeebaha Somalia

Doonidaasi oo lagu magacaabo Jaabir oo ay la socdaan ilaa 19 Badmaax ayaa la sheegay inay  ka baxsadeeen Kooxihii afduubka ugu haystay Xeebta Ceel-huur ee Gobalka Mudug.

John Steed oo ah Khabiir la socda Hwlaha Burcad-baddeedsa, kuna sugan magaalladda Nirobi  ayaa u sheegay Wakaallaadda REUTERS inuu Kabtanka doonidaasi qaatay go’aanka baxsadka, xilli ay Diyaarad Helikopter ah ku soo dhawaatay Doonida.

Waxa uu Khabiirkaasi sheegay inay shaqaalaha doonida oo tiradoodu dhamayd ilaa 19-Badmaax ay u itaal sheegteen dableydii haysatay Doonida.

Waxa uu tilmaamay inay Doonida baxsatay, iyadoo gaartay meel uu ku sugnaa mid ka mid ah Maraakiibta Midowga Europe ee qeybta ka ah La-dagaalanka Burcad-baddeeda ka qowleysata Badda Somalia.

Afhayeenka Hawlgalka Ciiddanka Badda ee Midowga Europe, Robert Thurmott ayaa sheegay inay qaabileen shaqaalaha la socday Doonidaasi, oo ay siiyeen cunto, biyo iyo shidaal, si ay u sii wataan safarkooda.

Saraakiisha Dowladda Iiraan ayaa xaqiijiyey inay soo baxsadeen Kalluumeysato la socotay dooni oo ay burcaddu haystay tan iyo bishii Maarso 26-dii ee sannadkanku haysteen Xeebaha Bartamaha Somalia.

Dhinaca kale, Burcad-baddeeda waxay weli haystaan 26 Badmaaxiin u dhalatay dalka Iiraan iyo doonidooda.

© Radio Dalsan

About Dalsan Editor

View all posts by Dalsan Editor