Ku-xigeenka Dacwad-oogaha Talyaaniga, Rojee Ligoori ayaa maanta sheegay inay gacanta ku dhigeen Naakhuudihii waday Doonidaasi iyo mid ka mid ah shaqaalaha waday Doonidaasi oo dhawaan ay ku geeriyoodeen in ka badan 900 oo Tahriibayaal ah.
Labada Eedeysane oo u kala dhalatay dalalka Tunisiya iyo Suurya ayaa la sheegay inay bar aqoonsadeen 27 ka mid ah Tahriibayaashii ka badbaaday Masiibadaasi, kuwaasi oo si nabad ah u gaaray Jesiiradda Sishiliya.
Tahriibayaasha la badbaadiyey ayaa u kala dhalatay dalalka Somalia, Eritrea iyo Bangaladesh, iyadoo mid ka mid ah dadkaasi la dhigay Isbitaal ku yaalla magaalladda Kataaniya ee Jesiiradda Sishiliya.
Dhinaca kale, Tahriibayaasha ku geeriyootay doonidaasi ayaa la sheegay inay u kala dhasheen 150 Somali ah iyo boqolaal kale oo u kala dhashay dalalka Syria iyo Eritrea.
