James Swan iyo wafdi la socday oo gaaray Dhuusamareeb iyo Ujeedkooda

Waxaa Goordhow Garoonka diyaaradaha Ugaas Nuur ee Magaalada Dhuusamareeb ka degay wafdi ballaaran oo uu hogaaminayay Wakiilka Qaramada Midoowey u qaabilsan Arrimaha Soomaaliya James Swan.

Wafdiga ayaa waxa qeyb ka ahaa Wakiilo ka kala socday EU-da Midowga Africa Francisco Madeira iyo IGAD Jamaal Xaaji Axmed, waxaana Garoonka diyaaradaha kusoo dhaweeyay Madaxweyne ku-xigeenka Galmudug Cali Daahir Ciid iyo xibno kale.

Wakiilka Qaramada Midoobay ee James Swan iyo xubnaha welinaya ayaa kulan la qaadan doona Madaxweynaha dowlad Goboleedka Galmudug Axmed Cabdi Kaariye Qoorqoor, iyagoo kala hadli doona Arrimo kala duwan.

Warar la helayo ayaa sheegaya in  James Swan uu sigaar ah Madaxweyne Qoorqoor uu kala hadli doono Arrimo ku aadan Doorashada dalka ka dhaceysa ee 2020/2021 heshiiskana laga gaaray iyo xaaladda guud ee deegaanada Galmudug.

Sido kale wafdiga ka socda Beesha Caalamka ayaa Safarkooda waxaa qayb ka ah in Caasimadda Galmudug ee Dhuusamareeb laga hergaliyo Xarun weyn oo ay yeelanayaan UN-ka taas oo laga hagidoono howlaha hormarineed ee ay UN-ka ka wadan guud ahan Galmudug.

Comments
Loading...