Madaxweynaha dowlad Goboleedka Galmudug Axmed Cabdi Kaariye Qoorqoor oo safar shaqo ku jooga dalka Jabuuti kulan la qaatay Wasiirada Wasaaradaha Amniga, Arimaha gudaha iyo Taliyaasha Ciidamada Dalka Jabuuti.
Kulanka ayaa waxaa diirada lagu saaray amniga iyo sidii ciidamada hiil-walaal iyo kuwa Galmudug iskaga kaashan lahaayeen howlgalada lagaga hortagayo Al-shabaab iyo in ay dowlada Jabuuti sii xoojiso taageerada ay siiso Galmudug.
Wasiirada Wasaaradaha Jabuuti iyo Saraakiisha Ciidamada ee uu la kulmay Madaxweyne Qoorqoor ayaa Galmudug u balan qaaday inay sii doonaan taageero kala duwan oo ku aadan horumarinta Ciidamada iyo Arrimo kale.
Madaxwweyne Qoorqoor ayaa dhawaan kulan la qaatay Madaxweynaha dalka Jabuuti Md. Ismaaciil Cumar Geelle, iyagoo ka wada hadlay arrimo dhowr ah oo ay ka mid yihiin iskaashiga dhinacyada horumarinta dhaqaalaha, ganacsiga iyo amniga.
