Faah faahino ayaa laga helayaa Ciidamo ka wada tirsan Booliska Gobolka Mudug oo duhurnimadii Maanta Israsaaseyn ku dhexmartay deegaan lagu magacaabo Bandarqaali oo ka tirsan Gobolkaas.
Israsaaseynta dhexmartay Ciidamada ka wada tirsan Booliska Gobolka Mudug ayaa waxaa ka dhashay Khasaaro isugu jira dhimasho iyo dhaawac sida ay sheegeen dadka deegaanka.
Guddoomiyaha Gobalka Mudug Cabdiraxmaan Isxal oo ku sugan deegaanka Bandarqaali ee Maanta Israsaaseynta ka dhacday ayaa waxaa uu sheegay in hal ruux oo shacab uu ku dhintay goobta, halka dhaawac uu soo gaaray Askari ka tirsan Ciidanka Booliska.
Sidoo kale Guddoomiye Cabdiraxmaan ayaa waxaa uu tilmaamay in xal laga gaaray Khilaaf oo soo kala dhexgalay Ciidanka Booliska, isla markaana xaalada deegaanka ay tahay mid degan.
Ciidamada Maanta Israsaaseyn ku dhexmartay deegaanka Bandarqaali ayaa waxaa la sheegay in halkaas ay u tageen sidii ay u kala dhex geli lahaayeen laba Maleeshiyo beeleed oo isku heysta Ceelbiyood ku yaalla deegaanka bandarqaali ee Gobolka Mudug.
