Hay’adda u dooda Xuquuqda Aadanaha ee Amnesty International ayaa sheegtay in ka badan 300 qof oo rayid ah lagu dilay Duqeymo ka dhacay Syria tan iyo sannadkii 2014-kii.
Hay’addu waxay ku baaqday in baaritaano Caalami ah lagu sameeyo dhimashadda boqolaalka qof ee rayidka ah iyo inay Dowladda Maraykanka jawaab cad ka bixiyaan Tacadigaasi.
Waaxda Difaaca Maraykanka kama jawaabin Warbixinta Amnesty International ku sheegtay inay Isbahaysiga Maraykanka duqyen ku dileen boqolaal qof oo rayid ah.
Dhinaca kale, Bishii July ee sannadkan, Diyaaradaha Dagaalka Maraykanka ayaa la sheegay inay ugu yaraan 70 qof oo badankooda haween iyo carruur ahaa ku dileen Degmadda Manjab ee Waqooyiga dalka Syria.
Bishi ila soo dhaafay, Maraykanka waxay duqeeyeen Saldhig Milliteri oo ku yaalla dalka Syria, waxayna ku dileen in ka badan 80-Askari.
©Radio Dalsan
