India ayaa maanta Hawada Sare u dirtay Gantaal xambaarsan 104 Dayax-gacmeed, waana Tallaabo Taariikhi ah arrintaasi, iyadoo ay Raashiya horey ugu guuleysatay arrintaas o okale.
Gantaalka ay India dirtay ayaa la sheegay inuu saacadiiba jari karo 27,000 oo KM, isagoo dhamaan 104-ta Dayax Gacmeed ku sayrin karo Hawada Sare muddo 30-daqiiqo gudaheeda.
Gantaalkaasi culayskiisa waa 714 Kg, waxaana la saaray Dayax-gacmeedyo “Nano Satellites” oo uu culayskooda dhan yahay 664-Kg.
Dhinaca kale, Saynis-yahanadda India ayaa isugu soo baxay Saldhigga laga ganay Gantaal-xambaaraha waday 104-ta Dayax-gacmeed.
Madaxa Hay’adda Cilmi-baarista Hawada Sare ee dalka India (ISRO), Kiraan Kumar inay dhamaan Dayax-gacmeedyadda la diray si habsami leh ugu meereysanayaan Caalamka.
©Radio Dalsan
