Howlgallo amniga lagu sugayo oo Bishaan Barakeysan ee Ramadaan ka bilaawday deegaanada dowlad Goboleedka Galmudug ayaa weli ka socda halkaasi, iyadoo lagu soo qab-qabtay dad lagu tuhmayo ineey ka tirsan yihiin Al-shabaab.
Saraakiisha Ciidanka ammaanka 21-aad ee Xoogga dalka iyo kuwa dowlada Goboleedka Galmudug oo la hadlay Warbaahinta dowladda ayaa xusay in dhamaan degmooyinka dowlad Galmudug ay ka socdaan, howlgallo looga hortagayo weerarada iyo falalka ee mararka qaarkood ka dhaca deegaanadaas.
Sidoo kale Saraakiisha ayaa sheegay in ay sii wedi doonaan howlgallada ka dhan ah Al-shabaab ee looga saarayo deegaanada ay uga harsanyihiin dowlad Goboleedka Galmudug, iyagoo Shacabka deegaanadaas ugu baaqay iney meel uga soo wada jeestaan dagaalka ka dhan ah Al-shabaab.
Ciidamada Xoogga dalka iyo kuwa dowladaha xubnaha ka ah dowlada Federaalka Soomaaliya ayaa wada howlgaladii ugu dambeeyay ee Al-shabaab looga saaryo guud ahaan Gobolada dalka.