Xukuumadda Imaaraadka Carabta ayaa  la isku shaandheeyey, waxaana la magacaabay Wasiirada Wasaaradaha Farxadda, Is-cafinta iyo Dhallinyarada.
Ra’isul-wasaaraha dalkaasi, Sheekh Maxamed Bin Rashiid Almakhtuum, ahna Xaakimka Dubai iyo Madaxweyne-ku-xigeenka dalkaasi ayaa waxa uu Xukuumadda cusub ku soo daray Dhowr Wasaaradood oo ku cusub Taariikhda Maamulka ee dalkaasi.
Ra’isul-wasaraha oo 66 jir ah waxa uu Wasaaradda cusub ee Farxadda u magacabay Haweeney lagu magacaabo Cuhuud Alroomi, iyadoo Wasaaradda kale ee cusub ee Is-saamaxaadda ama Iscafiska loo magacaabay Libni Alqaasimi oo horey u ahayd Wasiirka Iskaashiga Caalamiga iyo Maalgashiga.
Sidoo kale, Wasiirka Dhallinyaradda waxaa loo magacaabay Shamaa Almarsuuqi oo 22-jir ah, waana Wasiiradda ugu da’da yar guud ahaan Caalamka oo Xil Wasiir loo magacaabo.
Xukuumadda cusub ee dalka Imaaraadka waxaa lagu soo biiriyey 5 Wasiir oo haween ah, kuwaasi oo ay da’doodu ka hooseyso 38-jir.
Cuhuud Alroomi
©Radio Dalsan
