Guddoomiyaha Golaha Shacabka ee Baarlamaanka Jamhuuriyadda Federaalka Soomaaliya mudane Sheekh Aadan Maxamed Nuur ( Madoobe) oo uu wehliyo Guddoomiyaha Baarlamaanka wadanka aynu walaalaha nahay ee jamhuuriyadda Jabuuti mudane Dileita Mohamed Dileita iyo Guddoomiye kuxigeenka labaad ee Golaha Shacabka mudane Cabdullaahi Cumar Abshirow ayaa ka qeyb galay munaasabad qado sharaf ah oo ay soo qaban qaabisay safaaradda dowladda Jabuuti ay ku leedahay Magaalada Muqdisho.
Munaasabadan qado sharafta ah oo ay safaaradda ugu talo gashay wafdiga uu hogaaminayo Guddoomiyaha Baarlamaanka ee wadanka aynu walaalaha nahay Jamhuuriyadda Jabuuti ayaa waxaa sidoo kale ka qeyb galay wasiiro Iyo Xildhibaano ka tirsan Golaha Shacabka BFS.
