Guddoomiyaha Gobolka Gedo ee dowladda Federaalka Soomaaliya Axmed Buulle Garaad Canjeex ayaa Guddoomiye cusub u magacaabay degmada Doolow ee Gobolkaas, kadib markii xilka qaadis uu ku sameeyay Guddoomiyihii hore.
Wareegto uu soo saaray Guddoomiye Axmed Buulle ayaa waxaa xilka Guddoomiyaha cusub ee degmada Doolow loogu magacaabay inuu noqdo Maxamed Xuseen Cabdi Lafay oo bedelaya Guddoomiyihii hore ee degmadaas Cali Faarax Mire.
Wareegtada ayaa waxaa lagu caddeeyay in Guddoomiye Cali Faarax ee xilka qaadista lagu sameeyay uu lunsaday dhaqaale ay lahaayeen dadweyne kunool Doolow, taasina ay keentay in xilka laga qaado.
Guddoomiyaha Gobolka Gedo ee dowladda Federaalka Soomaaliya Axmed Buulle Garaad Canjeex ayaa laamaha amniga degmada faray inay la shaqeeyaan Guddoomiye Maxamed Xuseen Cabdi ee loo magacaabay Maamulka Doolow.
Hoos ka Akhriso Wareegtada magacaabista.
