Guddoomiye ku-xigeenka 1aad ee Golaha Shacabka Baarlamaankii waqtiga ka dhammaaday ee Cabdiweli Sheekh Ibraahim Muudey ayaa loo diiday inuu ka duulo Garoonka diyaaradaha Aadan Cadde ee Magaalada Muqdisho.
Guddoomiye Muudey ayaa kusii jeeday Magaalada Baraawe ee Caasimadda rasmiga ah ee Maamulka Koonfur Galbeed, si uu ugu tartamo kursiga uu ku fadhiyo oo la sheegay in loo xiray Nin lagu magacaabo Maxamedweli Cabdullaahi Sheekh.
Wararka qaar ayaa sheegaya in isku dayga lagu celiyay C/weli Muudey ku lug leeyihiin Saraakiil Ciidan, isla markaana waxaa diyaaradii qaadi laheyd oo ku socotay Magaalada Baraawe lagu Amray in aysan ka bixin karin Garoonka.
Guddoomiye ku-xigeenka 1aad ee Golaha Shacabka Baarlamaankii waqtiga ka dhammaaday ee Cabdiweli Sheekh Ibraahim Muudey iyo ciidamo Ilaalo u ah ayaa hadda ku sugan qeybta VIP-da Garoonka diyaaradaha Aadan Cadde.
Kursiga uu ku fadhiyo Cabdiweli Muudeey ayaa yaallo Magaalada Baraawe oo ay deegaan doorashadiisa tahay, waxaana kursiga uu ku fadhiyo Muudeey uu kamid yahay 13 kursi oo doorashadooda ka dhaceysa Magaaladaas maalmaha soo socda…
