Guddoomiyaha Degmadda Shibis, Axmed Muumin Maxamed ayaa sheegay inay labo qof ku dhaawacantay qarax ka dhashay gaari uu watay Muwaadin Soomaali ah oo ka shaqeeya Dekedda magaalladda Muqdisho.
Guddoomiyaha oo Suxufiyiinta la hadlay ayaa sheegay in Ninkii watay gaariga iyo nin jidka marayey ku dhaawacmeen qarxaasi oo dayaankiisa laga maqlay inta badan magaalladda Muqdish, wuxuuna dadka Reer Shibis ugu baaqay inay ka shaqeeyaan Ammaanka, kana hortagaan Kooxaha maleega Qaraxyadda..
Ciiddamo iyo Gaadiidka Gurmadka ayaa soo gaaray goobta uu qaraxu ka dhacay, iyadoo Labada qof ee ku dhawaacmay qaraxaasi la dhigay mid ka mid ah Isbitaalladda Muqdisho.
Goobjoogayaal ayaa u sheegay Radio Dalsan inuu qaraxaasi wada gubay gaariga, isla markaan uu burbur u geystay goobo ganacsi oo ku yaallay halka uu qaraxu ka dhacay.
Dhinaca kale, Ciiddanka Ammaanka ayaa bilaabay baaritaan la xiriira Dembiilayaasha ka dambeyey qaraxa lagu soo xiray gaarigaas.
©Radio Dalsan      Â
