Kulan ku-saabsan Arimaha Soomaaliya oo ay Golaha Ammaanka ee Qaramada Midoobey, ay yeesheen, ayaa waxaa ay warbixin ay kaga soo saareen Doorashooyinka Soomaaliya ee dhacaya dhamaadka bisha October, waxaa ay Golaha uu muujiay quus aad u sareysa.
Warbixinta ka soo baxday golaha, ayay si kastaba ku sheegeen inay ka xun yihiin in doorashooyinkii Soomaaliya ay dib u dhaceen muddo laba bilood oo hor leh.
Doorashooyinka oo lagu waday inay dhacaan inta ka horeysa tobanka bisha September ayaa hadda la filayaa inay ku dhacaan illaa 30-ka bisha October ee sanadkan.
Sidoo kale waxaa ay Golaha amaanka ee Qaramada Midoobe ay ugu baaqeen xisbiyada soomaaliya ka jira in ay ka shaqeeyaan in aan dib u dhac kale aanu ku imaan doorashada soomaaliya ee jadwalka cusub ee dhawaan Gudiga uu ku dhawaaqay.
Danjire Ramlan Ibrahim ayaa sheegay inay ka xun yihiin doorashada ay dib u dhac ku timid illaa labo bilood, taasoo dhici doonta 30-ka October.
Danjiraha dalka Ingiriiska ee Golaha ammaanka ee Qaramada Midoobe, ayaa wariyaasha u sheegay in ay soomaalida ay joogaan waqtigii ay arki lahaayeen in dalkooda ay ka dhaceyso doorasho.
