Wasaaradda Arrimaha Gudaha Xukumadda Soomaaliya, ayaa Dekedda weeyn ee Magaalada Muqdisho, manta kusoo bandhigtay Raashin Macawino ah oo Dowlada Masar ay Soomaaliya ugu Deeqday, dhawaan, kuwaasoo intii ay safarka kusoo jiray uu waqtigoodu uu dhamaaday oo ay noqdeen kuwo halaaba.
Wariyaal ka tirsan Radio Dalsan, oo kasoo waramay Degadda Magaaladda Mogadishu, ayaa soo sheegay in muuqaalka raashiinka uu is bedelay.
Qiyaas ahaan ilaa todobo kunteenar ayaa ay wasaaradu soo bandhigtay oo ay ku jireen raashiinkaasi halaabay, kuwaasoo baqaarihii ay ku jireen wasaardu sheegtay in aan laga soo saari Karin.
Raashiinka ayaa lasheegay in maanta lagu gubay magaaladda Mogadishu.
Wasiir Dowlaha Wasaaradda Arrimaha Gudaha Mudane C/rashiid Xidig oo Warbaahinta kula hadlay Dekedda Muqdisho, ayaa sheegay in raashiinkaasi uu ahaa mid aan wanaagsaneen, ayna sii xoojin doonaan baaritaanada noocaasi oo kale ah.
Tan iyo bur-burkii soomaaliya waxaa dalka soo galayay Raashiin halaabay, hasa ahaateen dowladda soomaaliya ayaa ku dadaaleysa in ay hakiso dhibaatooyinkaasi.
