Falastiini lagu dilay duqeyn ay Yuhuudda geysteen

Afhayeenka Wasaaradda Caafimaadka ee magaalladda Qasa, Ashraf Al-qodra ayaa sheegay inay Taangiyadda Yuhuudda saakayto duqeeyeen Deegaanka Nahdha ee Bariga magaalladda Rafax, iyadoo duqeyntaasi lagu dilay Nin Falastiini ah oo la oran jirey Yuusuf Abu Azra, laguna dhaawacay 2 kale.

Afhayeenka waxa uu tilmaamay in Madaafiicdaasi lala eegtay isku-soo-bax ay Dhallinyaro Falastiiniyiin ka sameeyeen Deegaanka Nahdha.

Afhayeen u hadlay Milliteriga Yuhuudda ayaa sheegay inay Ciiddanka toogteen 3 nin oo aad ugu soo dhawaaday Xayndaabka Ammaanka, wuxuuna ka gaabsaday inuu bixiyo faahfaahino kale.

Dhinaca kale, ku-dhawaad 2,200 qof oo Falastiiniyiin ah ayey Askarta Yuhuudda ku dileen dagaalo iyo hawlgalo ka dhacay dhulalka la-haysto ee Falastiin, iyadoo in ka badan 11,000 lagu dhaawacay dagaalladaasi.

©Radio Dalsan

About Bilan Media

Bilan is Somalia’s first ever all-women media team. Staffed and run entirely by women with full editorial independence, the unit covers hard news and in-depth features, holding leaders to account and making sure the media represents all citizens, men and women, weak and powerful, rich and poor.

View all posts by Bilan Media