Wararka aan ka heleyno deegaan dhanka Waqooyi uga beegan Magaalada Dhuusamareeb ee Xarunta Galmudug ayaa waxaa ay sheegayaan in halkaas saacadihii lasoo dhaafay lagu arkay Meydka Gabar 12-jir ah oo si xun loo dilay.
Ciidamo ka tirsan kuwa Booliska deegaan lagu magacaabo bohol ayaa Meydka gabadha kasoo qaaday deegaankaas, waxaana la geeyay Isbitaal ku yaalla Dhuusamareeb, iyadoona gabadha oo aheyd 12-jir loo dilay si xun.
Sidoo kale Ciidanka amniga deegaanka bohol ayaa gacanta ku dhigay laba ruux oo isugu jira Nin iyo Gabadha dhimatey hooyadeed, kuwaasi oo lagu eedeeyay inay ka dambeeyeen falka loo geystay gabadhaas yar.
Labada eedeeysane ayaa iyaguna waxaa la geeyay Magaalada Dhuusamareeb, waxaana la sheegay in hooyada iyo nin seeygeeda ah lagu tuhmayo inay ka dambeeyeen falka lagu dilay gabadha yar oo 12-sanno jir aheyd.
Dadka deegaanka bohol ee Gobolka Galgaduud ayaa si aad ah uga naxay dhacdadaan ka dhacday deegaanka ee lagu dilay Gabar yar oo kamid aheyd dadka deegaanka.
