Laba qofood ayaa ku dhaawacantay Dagaal ka dhacay inta u dhexeeysa deegaanada Docoleey iyo Baxda-gaabo ee Gobolka Galgaduud ee Maamulka Galmudug, sida ay sheegayaan wararka aan halkaas ka heleyno.
Dagaalka ayaa waxaa uu dhexmaray laba maleeshiyo beeleed oo hubeysan, waxaana uu salka ku haayay Arrimo la xariira aano qabiil, iyadoona inta uu socday la isku adeegsaday hubka noocyadiisa kala duwan.
Wararka ayaa intaas waxaa ay kusii darayaan in ay socdaan dadaalo kala duwan oo lagu doonayo in lagu joojiyo xiisada u dhexeeysa maleeshiyaadka hubeysan, si dhibaatada u sii badan, lagana hortego inuu dhaco dagaal kale.
Deegaano ka tirsan Maamulka Galmudug ayaa waxaa muddooyinkii dambe kusoo laab-laabtay dagaal beeleedyo iyo dilalka la xiriira aano qabiil, iyadoona deegaano dhowr ah oo ka tirsan Maamulkaas ay ka dhaceen dagaalo geystay khasaaro farabadan oo isugu jira dhimasho iyo dhaawac.
