Warar dheeraad ah ayaa ka soo baxaya Dagaal xoogan oo ka dhacay deegaan ka tirsan Gobolka Sanaag,kaasi oo u dhexeeyay Maleeshiyo beeleed hubeysan oo wada dega Gobolkaas.
Dagaalkan ayaa sigaar ah waxaa uga dhacay deegaan duleedka ka ah Degmada Ceel-Afweyn ee Gobolka Sanaag,isla markaana waxaa dagaalkaas uu ahaa mid culus oo la isku adeegsaday hubka noocyadiisa kala duwan.
Khasaaro isugu jira dhimasho iyo dhaawac ayaa lagu soo waramayaa inuu ka dhashay dagaalkaas,oo soo kala gaaray labada dhinac ee dagaalamay.
Ugu yaraan 5 ruux oo labada dhinac ah ayaa ku geeriyootay dagaalka,isla markaana waxaa ku dhaawacmay Afar ruux,kuwaasi oo la dhigay Isbitaalka Degmada Ceel-Afweyn ee Gobolka Sanaag.
Ciidamo ka tirsan kuwa maamulka Soomaaliland oo ku sugan Gobolka Sanaag ayaa waxaa lagu waramayaa inay ku baxeen dagaalka Maleeshiyo beeleedka ku dhexmaraya deegaan duleedka ka ah Degmada Ceel-Afweyn.
Dhowr jeer oo horey ayuu dagaal sababay dhimasho iyo dhaawac sidaan oo kale u dhexmaray Mleeshiyaadka dagaalamaya,isla markaan waxaa horey loo kala dhexgalay heshiis,hayeeshee markale ayuu dagaal ka dhex qarxay.
