Ugu yaraan Afar Qof ayaa ku geeriyootay , Toban kalana dhaawacyo kala duwan ayaa kasoo gaartay Shil Gaari oo ka dhacay Waddada Daaru Salaam, Degmada Yaaqshiid ee Gobolka Banaadir.
Dadka deegaanka ayaa Radio Dalsan u sheegay, in daroowalkii gaariga uu ka badbaaday shilka, balse ay dhalinyaro ku wax noqdeen.
Gaarigan oo uu noociisu ahaa Spacio,Taariko AE4830, ayaa lagu soo warramayaa inuu jiiray Dhallinyaro halkaasi Kubbad ku ciyaaraysay, waxaana halkaasi ka baxsaday Darawalkii gaariga.
Waa shilkii labaad oo maanta gudaheeda ka dhacay magaaladda Muqdishu, kadib markii maanta haweeneey ay ku geeryootay shil gaari oo ka dhacay nawaaxiga isgooyska Afarta Jardiino.
