Maxkamad ku taalla Gobalka South Dakota waxaa shalay la soo taagay Muwaadin Somali ah oo lagu magacaabo Liiban Maxamed, kaasi oo lagu soo oogay inuu xoogi lahaa haweeney qalbi dhiman ahayd.
Eedeysanaha oo haysta Kaarka Deganaanshaha Maraykanka ee (Green Catd) ayaa la sheegay inuu fal-dembiyeedkaasi galay bishii July 30-dii ee sannadkii hore
Eedeysnaaha oo 39-jir ah ayaa lagu xukumay Xabsi 3 sanno ah, sida uu ku dhawaaqay Garsoore Richard Summers oo ka tirsan Garsoorka Maxkamadda Degmadda Aberdeen ewe Gobalka South Dakota.
Dhinaca kale, Maxkamad ku taalla Jesiiradda Malta waxay xukun ku riday Muwaadin Somali oo Qaxooti ahaan ugu noolaa Jesiiradaasi.
Eedeysanaha oo magaciisa lagu sheegay Mustafa Maxamuud Maxamed ayaa lagu xukumay 6 bilood, kadib, markii lagu soo oogay inuu Haweeney ka dhacay Mobayl noociisu ahaa Samsung.
Eedeysanaha oo deggan Xeradda Hal Far waxa u uqirtay dembiga lagu soo oogay.
Kormeere ka tirsan Boliska Malta oo lagu magacaabo Mathew Spagnol ayaa u sheegay Garsooraha Maxkamadda ee Garnaqsigaasi qaadayey in Eedeysane Mustafa Maxamuud Maxamed la soo xiray bishan 18-dii, abaarihii 01:00 saqda-dhexe, kadib, markii uu Mobayl ka xaday Haween ku sugnayd Degmadda Paceville oo loo yaqaano Degmadda Nolosha Habeenimo ee Malta “The Malta’s nightlife district.
Kormeeraha waxa uu intaasi ku daray in Mobaylkii loo celiyey Haweeneydii laga soo xaday.
Dhinaca kale, Qareeen Josette Sultana oo difaacaysay Eedeysanaha ayaa sheegtay inay ka soo horjeedo xukunka lagu riday, maadaama Eedeyanaha uu soo celiyey Mobaylkii, isla marjkaana uusan waxyeelo kale geysanin.
©Radio Dalsan
