Ku-dhawaad 70 wafdi oo ka kala socda Dalalka Caalamka, kuna jiraan Dowladaha muhiimka ee Europe iyo Carabta iyo kuwa xubnaha joogtadda ka ah Golaha Ammaanka ee QM ayaa la filayaa inuu maanta Kulan uga furmo Caasimadda dalka Faransiiska ee Paris.
Kulankaasi ayaa looga hadli lahaa Nabad-raadinta Bariga Dhexe, gaar ahaan Xiisadda Falastiin iyo Yuhuudda, iyadoo Ra’isul-wasaaraha Yuhuuda, Benjamiin Natayaahu qaadacay Shirkaasi.
Kulankaasi ayaa ku soo beegmay 5-maalin ka hor marka uu Donald Trump la wareegayo Madaxtinimadda Maraykanka, waxaana la filayaa inay Dowladaha waa weyn ugu baaqaan in horey loo sii wado qorshaha lagu doonayo xalka Labada Dowladood ee Falastiin iyo Yuhuudda.
Donald Trump ayaa hore u ballan qaaday inuu Safaaradda ka soo wareejin doono Casaimadda Yuhuudda ee Tel Aviv oo ay muddo 68-sanno ku taallay, uuna Safaaradda Xarun uga dhigi doono magaalladda Quddus-ta la-haysto.
©Radio Dalsan
