Sida laga soo xigtay Ciiddanka Ilaaladda Xeebaha Talyaaniga waxaa lagu sheegay inay soo badbaadiyeen 4-qof, soona saareen maydadka 8 qof oo ka mid ah dadkii la socday Donidaasi.
Qaar ka mid ah Tahriibayaasha soo badbaada ayaa sheegay inay Doonida la socdeen 107-Tahriibayaal oo ku sii jeeday dalka Talyaaniga.
Markab Dagaal oo laga leeyahay dalka Faransiiska ayaa kaalin ka qaatay sidii loo badbaadin lahaa Tahriibayaasha ay doonida kula degtay meel 50-KM dhanka Waqooyi kaga toosan Xeebaha dalka Libya.
Jimcihii la soo dhaafay, 550 Tahriibayaal oo la socotay 4 dooni ayaa la badbaadiyey, kuwaasi oo haatan ku sii wajahan Jesiiradda Sishilis ee Talyaaniga.
Shil kale, maydadka 6 Tahriibayaal wada rag ahaa ayaa ku soo caariyey meel ku dhow Xeebta Degmadda Algedirsd ee Koonfurta dalka Spain.
©Radio Dalsan
