Wakaalladda Wararka Raashiya ee RIA ayaa sheegtay inay 35-kii Diplomaasi ee laga soo eryey Maraykanka ay xalay ka soo ambabaxeen magaalladda Washington.
Madaxweyne Barack Obama ayaa horey u amray in Diplomaasiyiinta laga cariyo dalkiisa, kadib, markii looga shakiyey inay ku lug leeyihiin Falal Basaasnimo iyo Dhac loo geystay Kombiyuutarada Siyaasiyiin Maraykan aah muddadii ay socdeen Doorashadda Madaxtinimadda ee dalkaasi.
Diyaarad Khaas ayaa waxay Diplomaasiyiintaasi ka so oqaaday Garoonka Diyaaradaha Dulles International Airport ee Gobalka Virginia oo 26 miles dhanka Galbeedka kaga toosan magaalladda Washington.
Dhinaca kale, Madaxweynaha dalka Raashiya, Valadmiir Putin ayaa go’aansaday inuusan cayrinin Diplomaasiyinta Maraykanka ee joogta dalkiisa, isagoo xusay inuu ka baaraan-degayo Tallaabadda uu qaadi doono.
Madaxweynaha La-doortay ee dalka Maraykanka, Donald Trump oo la filayo inuu bishan 20-da la wareego Madaxtinimadda dalkaasi ayaa soo dhaweeyey go’aanka uu Putin dib uga dhigay in Diplomaasiyiin Maraykanka laga soo masaafuriyo Raashiya.
Wuxuuna Donald Trump soo dhigay Bartiisa Twitterka inuu weligiisa ogaa inuu Putin yahay nin aad u Maskax Furan
Great move on delay (by V. Putin) – I always knew he was very smart!
Si kastaba ha ahaatee, Trump ayaa la filayaa inuu qaado tallaabooyin dheeraad ah oo ku aadan Xiriirka Maraykanka iyo Raashiya.
©Radio Dalsan
