Maxkamadda Ciidamada Qalabka Sida ee dowlad Goboleedka Puntland ayaa saaka oo Axad ah xukun dil toogasho ah ku fulisay Maxamed Cabdulqaadir oo heysto fal dil ah oo uu bartamihii sanadkii hore u geystay Bootaan Cawl.
Toogashada lagu fuliya Maxamed Cabduqaadir Muuse (Af-dheere) ayaa ka dhacday fagaare ku yaalla Magaalada Garoowe ee Xarunta Gobolka Nugaal, waxaana toogashada goobjoog ka ahaa Ehelada Marxuum Bootaan Cawl oo ka tirsanaa Ciidanka PMPF.
Allaha u naxariistee Bootaan Cawl oo ka tirsanaa Ciidamada hay’adda PMPF ee Puntland ayaa waxaa 30-kii bisha September ee sanadkii hore 2021 lagu dilay Magaalada Garoowe ee Caasimadda Maamulka Puntland, xili habeen ah.
Maxkamadda Ciidamada Qalabka Sida Puntland ayaa hore marar kala duwan waxaa ay xukuno dil toogasho ah ugu fulisay rag loo heystay dilal geysteen iyo xubno lagu eedeeyay inay tirsanaayeen Al-shabaab oo ay geysteen dembiyo kala duwan.
