Wararka naga soo gaarayo Suuqa Weyn ee Degmadda Kaaraan ayaa waxay sheegayaan inay Ciiddanka Boliska saakayto qaadeen Hawlgal ay ku qaadayeen Isbaaro ay Kooxo hubeysan dhigteen Boosteejadda laga raaco Basaska ee u dhow Suuqa Kaaraan.
Goobjoogayaal la hadlay Radio Dalsan ayaa sheegay inay Boliska ku guuleysteen inay Maleeshiyadda ka cayriyaan Barta Isbaaradda, kadib, markii ay labada dhinac is-rasaaseeyeen.
Mid ka mid ah Maleeshiyadda iyo qof rayid ah ayaa ku dhaawacmay iska horimaadkaasi, waxaana haatan deggan Xaalladda Suuqa Kaaraan.
Maleeshiyadda laga cayriyey Isbaaradda ayaa la sheegay inay Gaadiidka ka qaataan Lacago aan sharci ahayn, waxayna Dareewalladu sheegeen in subax kasta laga qaado lacag dhan 10,000 oo Shillin oo u dhiganta Nus Dollar.
Dhinaca kale, Maamulka Degmadda Kaaraan weli kama hadlin khasaaraha ka ddhashay Iska-horimaadkaasi.
©Radio Dalsan
