Xukuumadda Federaalka Soomaaliya aya shaacisay in ay bilaabeyso qorsho looga hortagayo falal amnidaro oo ka dhaca gudaha dalka kadib qaraxyo iyo weeraro ka dhacay qaar ka mid ah Gobolada dalka Soomaaliya.
Wasiirka Warfaafinta Soomaaliya Cabdiraxmaan Cumar Cismaan Yariisow ayaa sheegay in Wasaarada amniga Soomaaliya ay ku howlan tahay qorsho dhanka amniga ah kaas oo haatan ka socda qeybo ka mid ah Gudaha Magalada Muqdisho isla markaana ay wadaan Ciidamada xasilinta.
Sidoo kale waxa uu sheegay in Wasaarada Gaashaandhiga ay sidoo kale Gobolada dalka ka wado qorsho kale oo lagu diyaarinayo in Ciidamada xoogga dalka Soomaaliya ay howlgallo Al-Shabaab looga saarayo Gobolada qaar ee dalka laga bilaabo.
Hadalka Wasiirka ayaa ku soo aadaya xili todobaadyadii la soo dhaafay qeybo ka mid ah Muqdisho iyo gobolada dalka ay Al-Shaabab ka geesteen dilal iyo qaraxyo.
Hoos Ka Dhageyso Codka Wasiirka Warfaafinta
