Xildhibaan Axmed Macalin Fiqi oo ka mid ah Mudanayaasha Baarlamaanka Soomaaliya ayaa weerarka dhinaca afka ah waxa uu ku qaaday Madaxweynaha Soomaaliya Maxamed Cabdullaahi Farmaajo oo Shaqooyinkiisii u wareejiyey Xarunta Gaashaandhigga Soomaliya.
Xildhibaan Fiqi ayaa sheegay in madaxweyne Farmaajo uusan ilaa iyo hadda soo dhex gelin khilaafka ka dhexjira Golaha Shacabka,isla markaana uu yahay qof wax ka og.
“Runtii mudo 20 maalmood ku dhawaad ayuu khilaafkaan jiraa madaxweynuhu waa nin aaminsan xoog iyo inqilaab,waxa la rabay in uu khilaafkaan ku soo baxo hadii uusan ku soo bixin wuxuu ku jiraa kaambeyn waan is ognahay,wuxuuna Gaashaandhiigga u degay in uu dalkan xoog ku qabsado ayuu yiri Fiqiâ€
Waxa uu sheegay in Madaxweyne Farmaajo uu khilaafka dalka ka jiray uu la saftay xukuumadda,isaga oo sheegay in Sanadkii 2010,kii khialafkaan oo kale uu dhacay balse madaxweynihii xiligaas joogay uu si hoose wax u xaliyey laakin madaxweyne Farmaajo haatan waxa dalka ka socda uu raali ka yahay sida uu hadalka u dhigay.
Xiisada ka dhalatay mooshinkii laga gudbiyey gudoomiye Jawaari ayaa circa isku sii shareertay,waxana haatan lagu balan san yahay in Maalinta Sabtida ah uu kulanka Baarlaamanka furmo,waxana kulankaas iskuheysta in ay shir gudoomiyaan Gudoomiyaha Golaha Shacabka Maxamed Sheekh Cusmaan Jawaari iyo kuxigeenkiisa 1aad Cabduweli Sheekh ibraahim Muudeey.
Hoos Ka Dhageyso Codka Xildhibaan Axmed Macalin fiqi.
