Taliyaha Ciidamada xoogga dalka Soomaaliya Daahir Aadan Cilmi (Indha-qarshe) ayaa markii ugu horeysay waxa uu ka hadlay dagaalka u dhaxeeya dadka Shacabka iyo Al-Shabaab ee maalmahaan ka socday deegaano ka tirsan Sh/Dhexe.
Taliye Indha-Qarshe ayaa sheegay in ay xaqiiqo tahay in taliska xoogga dalka uu dareemay dhibaatada Shacabka uu ku haayo Al-Shabaab,isla markaana ay dagaalka la galeen.
Waxa uu sheegay in dowladda Soomaaliya ay ka faa’iideysaneyso kacdoonka Shacabka Soomaaliyeed,isla markaana ay diyaar u yihiin inay ku gacan siiyaan dagaalka ay kula jiraan Al-Shabaab.
Isaga oo sii hadlayay ayuu sheegay taliyaha in ay dhankooda ka Go’an tahay in Sanadkaan iyo kan soo socda gudihiisa ay Al-Shabaab ka saaraan guud ahaan dalka.
Si kastaba Maalmihii la soo dhaafay ayaa deegaano hoostaga degmada Aadan Yabaal ee Gobolka Shabeellaha dhexe waxaa ku dagaalamayay Al-Shabaab iyo Shacab is aruursaday oo sheegay inay u adkeysan waayeen dhibaatada ay ku hayaan Al-Shabaab.
