Guuddoomiya gobolka Banaadir, ahna duqa Muqdisho Taabid Cabdi Maxamed ayaa sheegay inay jirto cadaalad darro baahsan, hayeeshee maamulka gobolku uu wax ka qaban doono, si loo helo Cadaalad iyo Sinaan.
Guddoomiye Taabid ayaa tilmaamay inuu ogyahay heerka ay gaarsiisan tahay cadaalad darrada oo uu xusay inuu ku soo noolaa Muqdisho, isagoo aan masuul ahyn, islamarkaana uu dareensanyahay khalaadka badan ee ka jira dhanka cadaalada.
Waxaa uu sheegay inay ugu badan tahay dhinaca dhulalka la’isku, heysto oo uu qiray inay ka jirto cadaalad darro, dad badana looga hiiliyey cadaalada.
Guddoomiyaha gobolka ayaa ballan qaaday inuu xoojin doono tiirka cadaalada, isagoo la kaa shan doona madaxda maamulada degmooyinka gobolka, islamarkaana ay ka shaqeyn doonaan in qof kastaa uu si cadaalad ah ku helo waxa ka maqan.
Halkaan hoose ka dhageyso Codka.
