Hawlgalkaas oo ahaa mid  qorshaysan ayaa waxaa siwadajir ah u fuliyeen Ciidamada Nabad sugida iyo Sirdoonka Qaranka ee NISA oo kaashanaya kuwa booliska Dowlad goboleedka Galmudug.
Howgalka ayaa waxa uu ka dhacay deegaanka Godinlabe ee Gobolka Galgaduud gaar ahaan isbitaalka guud ee deegaankaas oo maalmihii danbe ay gacanta ku hayeen kooxo hubaysan oo aan cidna ka amar qaadan.
Kooxaha hubaysnaa ee gacanta ku hayay isbitaalka dagmada godinlabe ayaa intii uu howlgalka socda waxa ay sameeyeen iska caabin wallow markii dambe Gacanta lau dhigay raggaas.
Mid ka mid ah kooxdii hubeysneyd ayaa la sheegay in israsaaseyn dhacday uu ku dhaawacmay,kaa soo la geeyay Isbitaalka deegaanka Godinlabe si loogu daweeyo.
Gudoomiye kuxigiinka deegaanka godinlabe Cabdi Salaan Axmad Mire  oo Wareysi gaar ah siiyay Radio dalsan ayaa sharaxaad ka bixiyay qaabkii uu u dhacay howlgalka.
Warbixinta Warkaan waxaa Cadaado kasoo diray Wariyaheena Jile Jaamac Jile.
