Cali Guudlaawe Xuseen Madaxweyne ku xigeenka dowlad goboleedka Hir-Shabeelle ayaa laamaha amniga Maamulkaas waxa uu faray in ay in ay gacanta kusoo dhigaan,isla markaana sharciga horkeenaan dadkii ka dambeeyey fal kufsi ah oo lagula kacay Haweeney 85 Sano jir ah oo ku nool Magalada Johwar.
Dhacadaas oo dhacday dabayaaqadii todobaadkii lasoo dhaafay ayaa waxa ay haweeneyda ku nooleyd mid ka mid ah kaamamka ay degan yihiin dadka barakacayaasha ah ee Magalada Jowhar.
Madaxweyne ku xigeenka Hirshabelle Cali Guudlawe Xuseen ayaa sheegay in abaalmarin lasiin doono cid allaala iyo cidii kaalin weyn ka qaadata sidii cadaalada loo horkeeni lahaa dadkii ka dambeeyey falkaasi kufsiga ahaa,kaas oo aan horay uga dhicin Magalada Jowhar.
Dhacadaas ayaa todobaadkii la soo dhaafay waxa ay aheyd mid aad looga hadal haayey guud ahaan soomaaliya gaar ahaan Magalada Jowhar,waxana xusid mudan in taliska Booliska Hir-Shabeelle ay soo bandhigeyn Saddex rag ah oo ay sheegeen in ay ku lug leeyihiin kufsigaas.
Hoos Ka Dhageyso Codka Madaxweyne ku xigeenka Hir-Shabeelle.
