Dowladda Soomaaliya ayaa guddi u saartay dhacdadii Galabta lagu saraaseeyay kolonyo galbinaysay Madaxweynihii hore ee Soomaaliya Xasan Sheikh Maxamuud.
Wasiirka cadaaladda XFS Cabdulqaadir Maxamed Nuur ayaa sheegay in guddi uu horkacayo taliyaha Asluubta loo saaray baarista is rasaaseyn galabta dhex martay ciidan Asluubta ka tirsan iyo ilaalada Madaxweynihii hore ee dalka Xasan Sheekh Maxamuud.
Sidoo kale wasiirka ayaa sheegay in israasayntu ay ahayd mid si qaldan u dhacday oo aysan ku tala gal ahayn, waxaana uu u mahadceliyay Madaxweyne Xasan sheikh oo uu sheegay in uu xakameeyay ilaaladiisa, dhacdaduna ay ahayd mid shil ah waa sida uu hadalka u dhigaye.
Madaxweynihii hore ee Soomaaliya Xasan Sheikh Maxamuud ayaa lagu rasaaseeyay agagaarka maxkamadda gobolka Banaadir, xilli uu ku wajahnaa shir ay wada lahaayeen Midowga Murashixiinta.
Wali Xasan Sheikh kama hadlin Rasaasta la sheegay in lagu furay Kolonyada galbinaysay, waxaana halka lagu Rasaasiyay jooga oo baro koontarool kuleh ciidanka asluubta Soomaaliya.
