Deni oo Golaha Wakiilada u gudbiyay oo soo saarista Lifaaqa 5-aad ee Dastuurka

Madaxweynaha dowlad Goboleedka Puntland Saciid Cabdullaahi Deni ayaa Golaha Wakiilada Maamulkaasi u gudbiyay soo saarsaarista  lifaaqa 5-aad ee dastuurka ee Maamulka Puntland, sida uu ku caddeeyay wareegto kasoo baxday xafiiskiisa.

Madaxweyne Saciid Deni ayaa xalay ku dhawaaqay in Puntland ay dib ugu laabanayso doorashadii Baarlamaaniga ahayd ee horey loogusoo dooran jiray madaxdii hore ee Puntland, kadib markii Deni shir jaraa’id ku qabtay magaalada Garoowe.

Wuxuu sheegay Madaxweynaha Maamulka Puntland in ay jiraan qorshayaal la doonayay in Puntland gudaheeda colaad laga abaabulo, iyadoo laga faaidanayso khilaafka arrimaha doorashada.

Xeerka Madaxweyne Saciid Deni uu Golaha Wakiilada ugu gudbiyay soo saarsaarista  lifaaqa 5-aad ee dastuurka ee Maamulka ayaa u qornaa:

Xeer Madaxweyne Lr 121 ee December 02 2004 iyo xeer Madaxweyne  Lr 112 ee November 09 2008, xeer Madaxweyne 153 November 2013 iyo Xeer Madaxweyne Lr 189. November 2018, oo dhamaantood ku saabsanaayeen soo xulida Golaha Wakiilada Puntland.

Markuu Garowsaday: caqabadaha ku xeeran qabsoomida Doorashada hal qof iyo hal cod si waafaqsan Dastuurka Puntland Qodobkiisa 44-aad.

Markuu tixgaliyey:  talooyinka ku aadan in Doorashadu dhacdo wakhtigeeda.

Waxuu go’aamiyey:  in dib loogu noqdo  nidaamkii Doorashadu ku dhici jirtay ee hore.

“Hadaba Mudane Guddoomiye waxaan Golaha Wakiillada Puntland ka codsanayaa  in ay soo saaraan lifaaqa 5-aad ee Dastuurka ee qabsoomida Doorashada”.

Wada shaqayn wacan.

Madaxweynaha Puntland Mudane Siciid Cabdullaahi Deni.

About Dalsan Editor

View all posts by Dalsan Editor