Qaraxaan oo ahaa miino nooca dhulka lagu aaso ah ee laga hago meelaha fog-fog ayaa waxaa daqiiqado kahor uu ka dhacay Magaalada Jowhar ee Caasimadda Maamulka Hirshabeelle, iyadoo ay kasoo baxayaan faah faahino.
Qaraxaas ayaa waxaa uu si gaar ah uga dhacay Maqaaxi lagu shaah cabo oo ku taalla xaafadda kulmis ee Jowhar, isla markaana waxaa la sheegay in xiligii uu qaraxu dhacaayay ay goobta ku sugnaayeen Xildhibaano ka tirsan Baarlamaanka Maamulka Hirshabeelle.
Dad la hadlay Idaacadda Dalsan ayaa u sheegay in qaraxaas uu geystay khasaaro soo gaaray Xildhibaano ku sugnaa goobta iyo dad shacab ah, waxaana la xaqiijiyay inuu dhaawacmay Xildhibaan lagu magacaabo Cumar Gaabow oo ka tirsan Maamulka.
Ciidamo ka tirsan kuwa ammaanka Magaalada Jowhar ayaa durbo aaga uu qaraxu ka dhacay xiray, iyagoona halkaas ka wada baaritaano kala duwan, sidoo kalena waxaa Xarun Caafimaad la geeyay Xildhibaanada dhaawacmay..
La soco wixii kusoo kordha Insha Allaah.
