Maalinta Berito ah ayaa la shaaciyey in uu furmayo kal-fadhiga 4aad ee Baarlamaanka labadiisa Aqal,iyada oo ay Xarunta Dugsiga tababrka Janeraal Kaahiye ka dhaceyso munaasabad lagu furayo.
Munaasabada furitaanka ayaa waxaa lagu wadaa inuu ka qeyb galo Madaxweynaha Jamhuuriyadda Soomaaliya Maxamed Cabdullaahi Farmaajo,isla markaana uu ka jeediyo halkaas Khudbada furitaanka.
Xildhibaanada labada Aqal ayaa ku jiray fasax laba bilood ah balse la filayo in Maalinta berito ah uu furmo kal-fadhiga 4aad ee Baarlamaanka labada Aqal.
Guddoomiyaha Baarlamaanka Soomaaliya Maxamed Mursal Sheekh Cabdiraxmaan ayaa horay warqad uu soo saaro waxa uu ku cadeeyey in 10 Bishan September uu furmayo kal-fadhiga Afaraad ee Baarlamaanka Soomaaliya.