Gaari Nuuca raacada ah oo ku rarnaa waxyaabaha qarxa ayaa goordhow waxa uu ku qarxay deegaanka siinka-dheer ee Duleedka Magaalada Muqdisho.
Dadka deegaanka ayaa waxa ay Dalsan u sheegeen in xiliga gaariga uu qarxayay uu marayay xaafada ka mid ah siinka-dheer,isla markaana ay eryanayeen Ciidamada dowladda kadibna uu galay Bacaad sidaasna uu ku qarxay.
Lama oga halka gaarigas uu ku wajahnaa iyo khasaaraha ka dhashay marka laga reebo in dadkii wadey oo tiradooda aan la ogeyn ay ku waxyeeloobeen.
Ciidamo ka tirsan kuwa dowladda gaar ahaan kuwa ku sugan Koontoroolka Siinka-dheer ayaa goobta gaaray kuwaas oo haatan wada baaritaano,iyada oo aaga goobta uu qaraxa ka dhacay ay ciidamadu xireyn.
Deegaanka Siinka dheer ee duleedka muqdisho aaya tiro ka dhowr jeer waxaa ka dhacay qaraxyo,iyada oo qarixii ugu dambeeyey 1-dii bishaan ka dhacay kaas oo ahaa mid loo adeegsaday gaari laga soo buuxiyey waxyaabaha qarxa
