Deegaanka Ceel Afweyn ee gobolka Sool waxaa gaaray qaar ka mid ah culimada ugu caansan deegaanada Maamulka Soomaaliland halkaas oo ay weli ka taagan tahay xiisad colaadeed oo u dhaxeysa laba beelood.
Culumada halkaasi gaartay ayaa waxaa ka mid ah Sheekh Maxamed Sheekh Cumar Dirir,Sheekh Ismaaciil Cabdi Hure,Sheekh Cabdullaahi Xasan Xaashi(barbaraawi) Sheekh Cabdullaahi Sheekh Cali’Jowhar’iyo Culima kale kuwaas oo bilaabaya waan waan ay ku xalinayaan colaadaas.
Sheekh Ismaaciil Cabdi Hure ayaa faah faahiyey ujeedka safarkooda ee deegaanka Ceel afweyn.
“Waxaan soo gaarnay deegaanka Ceel Afweyn waxaaana ka nimid Hargeysa oo aan saaka ka soo baxnay, waxaanan ka mid nahay wufuudii gurmadka u ahayd gobolka Sanaag gaar ahaan degmada Ceel Afweyn, waxaanan ilaahay uga mahad celinaynaa kooxihii ugu horeeyey ee wefdiga anaga oo koox culimo iyo odayaal isugu jirna,si aan u xalinayo beelaha dagaalamay ayuu yiri Sheekh Ismaaciil hure.
Deeaganka Ceel Afweyn ee Gobolka Sanaag ayaa bilihii u dambeysay waxaa ka taagneyd xiisad colaadeed oo u dhaxeyas labada beelood,waxana fashilmay dhorw mar wadahadalo lagu doonayey in xal looga gaaro dagaaladaas.