Wararka aan ka helayno Deeganka Hoosingow oo hoostaga Degmada Badhaadhe ee Gobolka jubada hoose ayaa ku warramaya in Ciidanla Kenya ay ku dileen dad reer guuraa ah, waxaana ay xasuuq u gaysteen Geel aad u farabadan oo ay lahaeen dadka degaanka.
Wararku waxaa ay tilmaamayaan in Ciidanku ay dileen labo qof oo shacabka halka ay dhaawecen shan kale, sidoo kale waxaa ay xasuuqeen Boqol neef oo Geel ah.
Ilaa iyo hadda lama oga sababta rasmiga ah ee ka dambeysa in Keenyaanku ay xasuuqaan dadkaasi shacabka ah ee ku sugaan Deeganka hoosingow oo hoostaga Degmada Badhaadhe ee Gobolka jubada hoose.
Maamulka Jubbaland wali wax war ah kama soo saarin dhacdadaasi xanuunka badan ee ay dadka reer guuraga ah ay kula kaceen Ciidanka Kenya.
