Ciidanka Milateriga dowladda Federaalka Soomaaliya ayaa arroornimadii hore ee saaka la wareegay deegaano dhowr ah oo ka tirsan Gobolka Shabeellaha Dhexe gaar ahaan kuwo ku yaalla aaga degmada Balcad ee Gobolkaas, sida ay sheegayaan wararka.
Ciidamada ayaa Al-shabaab kala wareegay deegaanada kala ah Yaaqle, Mukadheere, dhagaxoow, Kooraabe, Shanloow iyo Farbaraki, oo hoostaga degmada Balcad ee Gobalka Shabellaha Dhexe.
Howlgalka lagula wareegay deegaanada ayaa hoggaaminaayay Xildhibaan Cismaan Xaadoole, Guddoomiyaha degmada Kaaraan Abshir Kaaran iyo Saraakiil ka tirsan Milateriga qeybta 27-aad gaar ahaan guutada 4-aad..
Ciidamada ayaa maalin kahor qabsaday deegaanka Xawaadley oo ahaa deegaan Istiraatiiji ah oo marin u ahaa Shabaabka isaga kala goosha gobolada, sida ay sheegeen Saraakiisha Ciidamada dowladda Federaalka Soomaaliya.
Gobolka Shabeellaha Dhexe gaar ahaan degmada Cadale ayaa waxaa kusii qul-qulayey Ciidamo kamid ah Milateriga dowladda Federaalka Soomaaliya, kuwaasi oo abaabul ka dhan ah Al-shabaab ka wada degmadaas.
