Kumaandooska Danab ee Xoogga dalka Soomaaliya ayaa Al-shabaab ka saaray Deegaano ka tirsan Gobolka Jubadda Hoose, Kadib howlgal qorsheysan oo Danab ay ka sameeyeen deegaano hoos yimaado degmooyinka Kismaayo iyo Jammaame ee Gobolkaas.
Kumaandooska ayaa Howlgalkaan kula wareegay tuulooyinka Xawaaljiri, Bernasey, yaaqbishaar iyo Cusbo, halkaas ay la sheegay inay ku sugnaayeen dagaalyahano ka tirsan Al-shabaab.
Taliyaha Ururka 5-aad guutada 16-aad kumaandooska Danab ee xoogga dalka G/le Xasan Aadan Ciraaqi ayaa Idaacadda Ciidamadda Qalabka Sida u sheegay in howlgalka lagu dilay 6 ka tirsan Al-shabaab, waa sida uu hadalka u dhigay.
Sidoo kale Taliyaha ayaa waxaa uu tilmaamay intii ay howlgalka ku guda jireen inay la kulmeen dad ay sameeyn ku yeesheen dhibaatooyin uu sheegay in lagu haayay, kuwaasi oo ay siiyeen cunto biyo iyo daawo.
