Ciidamo ka tirsan kuwa Itoobiya ee qeybta ka ah howlgalka AMISOM ayaa Maanta waxaa qarax lagula eegtay deegaan ka tirsan Gobolka Hiiraan xili halkaas ay ku socdaal ku marayeen.
Wararka aan ka heleyno deegaanka halgan ee Gobolka Hiiraan ayaa waxaa ay sheegayaan in halkaas Qaraxa lagula eegtay Ciidamada Itoobiya,waxaana uu ahaa miino nooca dhulka lagu aaso ah.
Khasaaro isugu jira dhimasho iyo dhaawac ayaa lagu soo waramayaa inuu ka dhashay qaraxaas,isla markaana soo gaaray Ciidamadii Itoobiya,kuwaasi oo socdaalayay.
War qoraal ah oo lagu faafiyay baraha Al-shabaab ay ku leeyihiin Internet-ka ayaa waxaa ay ku sheegteen Mas’uuliyada weerarkaas,iyagoo xusay inay halkaas ku dileen laba Askari oo ka tirsan Ciidamada Itoobiya.
Ciidamada Itoobiya ee qeybta ka ah howlgalka AMISOM ayaa dhowr waxaa Qaraxyo kala duwan lagula eegtay deegaanka halgan ee Gobolka Hiiraan,waxaana Mas’uuliyadooda sheegtay Al-shabaab.
