Laba caruur oo walaalo ah ayaa ku dhintay, dab xooggan oo Maanta ka kacay guri jiingada oo ku yaala xaafada Hodan ee magaalada Burco ee Xarunta Gobolka Togdheer.
Abaaro 2:25 duhurnimo ayaa Ciidanka Dab-demiska Burco oo guriga uu dabka ka kacay, gurmadna u fidiyay , waxaana ciidamadu dabkaa ka xakameeyeen gurigii , iyadoo intaa kadibna Maydka Caruurta laga soo saaray guriga oo dabku wada haystay.
Caruurta ayaa ahaa walaalo, sidoo kale caruurtaas ayaa ahaa Curyaamiin, da’adooduna waxay u dhaxaysay 10-11 sanno.
Guriga ayaa Jiingad markiiba dabku wada qabsaday kana kooban laba qol iyo barande. Ciidanka baarista Booliska ee Maamulka Somaliland ayaa la wareegay baarista kiiskaas.
Ugu dambayn Taliska ciidanka Dab-demiska Somaliland ayaa uga diray bulshada Somaliland inay ka digtoonaadaan wax kasta oo sababi kara dab. Sidoo kale caruurta kaga tagin guryaha, taasoo muddooyinkii dambe caruur badani ku geeriyoodeen.
