Wararka ka imaanaya Magaalada Mandheera ee Gobolka Waqooyi bari dalka Kenya ayaa waxa ay sheegayaan in Caruur ay ku geeriyootay qarax Miino oo ka dhacay duleedka Magaaladaas.
Ilaa 5 Caruur ah ayaa la xaqiijiyay in ay geeriyoodeen kadib markii Caruurta oo miinada dhulka lagu aasay ku ciyaariyay ay la qaraxday xili ay ku sugnaayeen  meel u dhow deegaanka Kanyeri.
Saraakiil ka tirsan Booliiska Kenya ayaa Warbaahinta Gudaha waxa ay u sheegeen in Caruurta geeriyootay uu ku jiray Wiil 15 jir ah halka 4 kale ay ahaayeen kuwo ka sii yar.
Sikastaba horay ayaa deegaano ka tirsan Gobolka Waqooyi bari waxaa ka dhacay qaraxyo ka dhacay Miinooyin dhulka lagu aasay taas oo waxyeelo ay ka soo gaartay Ciidamo Kenyan ah iyo dad Shacab ah intaba.
