In ka badan 80 qof oo lagu dilay Iska horimaad Beeraley iyo Xoolaley ku dhex maray Nigeria

Afhayeenka Boliska BALATEO ee Bartamaha dalkaasi, Mathias Tyopev, ayaa sheegay in 86 qof lagu dilay iska horimaadkaasi oo ka dhacay Gobalka kadib, markii ay dagaalameen labadaasi dhinac.

Afhayeenka waxa kale oo uu tilmaamay in dagaalkaasi dhex maray Muslimiin Xoola-dhaqato ah iyo Kirishtaan Beeraley ah.

Ugu yaraan 50 guri ayaa lagu burburiyey iska horimaadkaasi oo dhacay saqdii dhexe ee xalay.

Guddoomiyaha Gobalkaasi, Simon Bako waxa uu ku dhawaaqay Bandow socon doona 6-da maqribnimo ilaa 6-da aroornimo, waxaana la mamnuucay Dhaqdhaqaaqa Guud ee Deegaankaasi.

Dhinaca kale, Madaxweyne dalka Nigeria, Maxamadu Buhaari waxa uu ku baaqay in la joojiyo dagaalka, lana soo qabto kuwii weerarka geystay.