Burcad-baddeed codsatay madax-furasho lagu sii daynayo Markabkii Shidaalka ee ku soo wajahnaa Dekedda Muqdisho.

Ciiddanka Badda ee Midowga Europe ee ku sugan Xeebaha Somalia ayaa sheegay inay Burcadda Hubeysan ee qabsatay Markabkaasi dalbadeen  Lacago madax-fursado oo aan cadadeeda la shaacinin.

Burcad-baddeedaasi waxay Markabkaasi oo lagu  magacaabo ARIS 13 qabsadeen maalintii Isniintii ee la soo dhaafay, xilli uu marayey meel ka baxsan Xeebta Degmadda Caluula.

Markabkaasi oo Shidaal u soo waday Dekedda magaalladdan Muqdisho ayaa la xaqiijiyey inay ay la socdeen 8 Shaqaale oo u dhalatay dalka Sri Lanka.

Markabkaasiu oo culayskiisa dhan yahay 1,000 Tan,  waxaa leh Shirkad laga leeyahay dalka Panama oo lagu magacaabo  Armi Shipping , balse waxa maamusha Shirkadda Aurora Ship Management oo ku taalla dalka Imaaraadka Carabta

Si kastaba ha ahaatee, waa Afduubkii ugu horreeyey ee Maraakiib Xamuul laga qafaasho Xeebaha Somalia tan iyo sannadkii 2012-kii.

©Radio Dalsan

 

About Bilan Media

Bilan is Somalia’s first ever all-women media team. Staffed and run entirely by women with full editorial independence, the unit covers hard news and in-depth features, holding leaders to account and making sure the media represents all citizens, men and women, weak and powerful, rich and poor.

View all posts by Bilan Media