Saxafiga Rug-caddaaga ee Yasin Juma ayaa maanta laga si idaayey Saldhigga Muthaiga police station ee magaalladda Nairobi, kadib, markii loo xiray inuu baahiyey maydadka Askartii Kenyanka ee lagu dilay Weerarkii ay Alshabaab bishan 15-dii ku qaadeen Ciiddankii Kenya ee ku sugnaa Xeradda Ceel-cadde ee Gobalka Gedo.
Waaxda Dembi-baarista CID-da ayaa ka codsatay Saxafiga inuu labo isbuuc kadib iska soo xaadiariyo Xarunta CID-da ee magaalladda Nairobi.
Yassin Juma oo ah Weriye u shaqeyn jirey Telefishinka Nation waxaa la xiray Habeenkii Sabtida ee la soo dhaafay, iyadoo lagu soo oogay inuu Sawiradda Maydadka ku faafiyey Baraha Bulshadda iyo Websaytyo kale.
Saakayto waxaa la geeyey Maxkamadda Kiambu Law Courts, balse laguma soo oogin wax dacwado ah.
Waxaa laga qaaday Telefoon-gacmeedkiisa, iyadoo la sheegay inuu yahay qalab si xun loogu isticmaalay Isgaarsiinta, sida lagu qoray Buugga Dacwadda oo tirsigiisu yahay OB 52/23/01/2016.
Markii laga sii daayey Saldhigga Boliska waxay Weriyaha ku qoray Barta uu ku leeyahay Facebook sidatan:”Ooh Ooh Kanu Yajenga Nchi, Ooh Ooh Kanu Yajenga Nchi, Kanu Eeh Kanu Yajenga Nchi, Am Free at last [sic].”
Erayadaasi oo Luqadda Ksawahili ah ayaa waxa uu micnaheedu yahay: “Ooh, Ooh, Kanu dhiso Dalka. Ooh, Ooh, Kanu dhiso Dalka, La dhiso Kanu Kanu Oh, Dhulka,Ugu dambeyn Xor baan ahayâ€.
Yassin Juma iyo Saaxiibadiisa Abdirahman Issack iyo Aden Abdullahi waxay Facebook soo dhigeen Sawir ay ku galeen Saldhigga Boliska hortiisa, iyagoo farta dhaqdhaqaajinayo.
Yassin Juma oo ah Saxafi Muslim ah waxa uu arrintaasi ku micneeyey inay Calaamad Farta Taagan la micno  tahay inuu Ilaahay keli yahay, oo awood leh, isla markaana naxariista.
Yassin Juma waxa u uu mahad celiyey Taageerayaasha ka dibadbaxay  qabashadiisa iyo xarigiisa, iyagoo isticmaalayey via hash tag #FreeYassinJuma.
Inta aan la xirin waxaa la sheegay inay saddex maalin ka hor raadinayeen Saraakiisha Boliska La-dagaalanka Argagixisadda, waxaana Yassin Jumca habeenkii Axadda soo galaysay soo qabtay Sarkaal ka tirsan Waaxda Dembi-baarista Dembiyadda, isagoo xilligaasi ku sugnaa gurigiisa oo ku yaalla Xaafadda Donholm estate ee magaalladda Nairobi.
Qabashadiisa ayaa timid, kadib, markii Wasiirka Arrimaha Gudaha Kenya, Joseph Nkaissery ka digay in la soo maxkamadayn doono kuwa Sawirradda Askarta Kenyanka ee la dilay ku wadaaga Warbaahinta Bulshadda.
Waxaa Turjumay: Axmed Xaaji Ugaaska
Xigasho: The Star.
©Radio Dalsan                           Â
