Madaxweynaha dowlad Goboleedka Jubbaland Axmed Maxamed Islaam Axmed Madoobe ayaa xarunta madaxtooyada magaalada Kismaayo kulan sagootin ah kula qaatay saraakiisha Ciidanka ATMIS qayb 6-aad.
Madaxweynaha ayaa uga mahadceliyey Ciidanka ATMIS qeybta 6–aad shaqadii wanaagsaneyd ee ay qabteen intii ay joogeen deegaanada Jubaland.
Kaalintii ay ka qaateen la dagaalanka dagaalamayaasha Al-Shabaab iyo keenidda xoggahooda ayaa lagu guddoonsiiyey shahaado sharaf uu ugu tala galay Madaxweynaha Jubaland.
Ciidanka ATMIS qeybtooda 6-aad ee ka howlgalayey Jubaland ayaa soo gaba gaboobay shaqooyinkoodii aheyd la dagaalanka Shabaab, taas oo qayb ka ah qorshaha guud ee lagu dhimayo ciidanka ATMIS ee jooga Soomaaliya.
