Qarax maanta ka dhacay magaalladda Cadan ee Koonfurta dalka Yemen waxaa ku geeriyootay 4 Askari, iyadoo 6 kalena ku dhaawacmeen.
Goobjooge ayaa u sheegay Wakaalladda Wararka ee REUTERS inuu qaraxu ahaa miino lagu aasay jidka dhinaciisa.
Maamulka Ammanka ee Cadan ayaa sheegay in qof isku soo xiray waxyaabaha qarxa, kana tirsan Kooxda Daacish taabacsan uu isku qarxiyey Bar Kontorool oo ay Ciiddanka joogeen.
Wakaalladda Wararka AMAQ ee taabacsan Daacish ayaa shaacisay inay Daacish ka dambeeyeen qaraxa maanta ka ddhacay magaalladda Dekedda leh ee magaalladda Cadan ee Koonfurta Yemen.
Ma aha markii ugu horreysay ee ay Qaraxyo ka dhacaan magaalladda Cadan ee Istaraatijiyadda leh.
©Radio Dalsan
