Askar iyo Maleeshiyo lagu dilay weeraro ka dhacay Afganistan

Ugu yaraan 7 Askari ayaa lagu dilay weerar ay Maleeshiyadda Daalibaan ku qaadeen baro kontorool oo ku yaalla degmadda Qadiis ee Galbeedka dalkaasi.

Weerarkaasi waxaa kaloo lagu dhawaacay 3 Askari oo ka mid ahaa Askartii joogtay goobaha la weeraray.

Kooxda Daalibaan weli kama aysan hadlin weerarkaasi ay ku qaadeen Ciiddanka ku sugnaa  Degmadda Qadiis.

Dhinaca kale,  ugu yaraan 43 dagaalamayaal ka tirsan Kooxda Daacish ayaa lagu dilay duqeymo Diyaaradeed oo ka dhacay Gobalka Kunaar ee Bariga dalkaasi.

Afhayeen u hadlay Milliteriga Dowladda Afganistan ayaa sheegay in duqeymahaasi lala beegsaday Daacish-ta ku sugan Degmadda Jabara, halkaasi oo lagu dilay  Muwaadin u kala dhashay dalalka Pakistan iyo Usbakistaan.

Comments
Loading...